Anim na bansa mananatili sa Red List hanggang Jan. 15

Mananatiling nakasailalim sa Red List ang anim na mga bansa bilang bahagi ng pag-iingat ng pamahalaan laban sa COVID-19.

Ayon kay Cabinet Secretary at acting Presidential Spokesperson Karlo Nograles, simula Jan. 1 hanggang Jan. 15 ay sasailalim sa red list ang Eswatini, Lesotho, Malawi, Mozambique, Namibia, at Spain.

Inaprubahan din ng Inter Agency Task Force ang rekomendasyon ng Department of Foreign Affairs (DFA) na tanggapin o kilalanin ang vaccination certificate ng mga biyahero galing sa sumusunod na mga bansa:

– Armenia
– Belgium
– Canada
– France
– Germany
– Kuwait
– New Zealand
– Sri Lanka
– Thailand
– USA
– Oman