Ikaapat na kaso ng Omicron variant ng COVID-19 naitala sa bansa

Nakapagtala ng isa pang kaso ng Omicron variant ng COVID-19 sa bansa.

Dahil dito ayon sa Department of Health (DOH) umakyat na sa apat ang bilang ng naitatalang kaso ng Omicron variant sa Pilipinas.

Ayon kay Health Undersecretary Maria Rosario Vergeire, ang ikaapat na kaso ay isang 38 anyos na babae na galing sa United States.

Dumating ito sa NAIA noong Dec. 10 lulan ng PAL flight PR 127.

Agad itong isinailalim sa quarantine pagdating sa bansa at nagsimulang makaranas ng sintomas noong Dec. 13.

Dec. 25 na nang lumabas ang resulta na ang variant ng COVID-19 na dumapo sa pasyente ay Omicron.

Nakatapos ng isolation ang pasyente noong Dec. 24. (DDC)