Shear Line magpapaulan sa malaking bahagi ng bansa

Uulanin ang malaking bahagi ng bansa ngayong araw dahil sa Shear Line.

Ayon sa PAGASA, apektado ng Shear line ang Southern Luzon at Visayas.
Habang umiiral naman ang Northeast Monsoon sa nalalabing bahagi ng Luzon.

Ngayong Lunes, Dec. 27 makararanas ng maulap na papawirin na may kalat-kalat na pag-ulan sa Metro Manila, CALABARZON, MIMAROPA, Bicol Region, Eastern Visayas, Caraga, Aurora, Aklan, Capiz, Davao de Oro, at Davao Oriental.

Maulap na papariwin din ang mararanasan sa Cagayan Valley, Cordillera Administrative Region, at sa nalalabing bahagi ng Central Luzon dahil sa Amihan.

Apektado din ng Amihan ang Ilocos Region.

Samantala, sa nalalabing bahagi ng bansa, bahagyang maulap na papawirin lamang ang mararanasan na may isolated na pag-ulan. (DDC)