Nasawi sa pananalasa ng Typhoon Odette umakyat na sa 378
Tumaas pa sa 378 ang bilang ng nasawi sa Typhoon Odette.
Sa datos mula sa National Disaster Risk Reduction and Management Council (NDRRMC), 218 sa nasabing bilang ang hindi pa nakikilala.
Nakapagtala naman ng 742 na nasugatan dahil sa pananalasa ng bagyo habang 60 pa ang nawawala.
Ayon sa NDRRMC, umabot sa mahigit 1 milyong pamilya o mahigit 4.1 milyon na katao ang naapektuhan ng bagyo.
Sa nasabing bilang mahigit 79,000 na pamilya pa o mahigit 313,000 na katao ang nananatili sa mga evacuation center. (DDC)
