Suga ng BTS nagpositibo sa COVID-19

Nagpositibo sa COVID-19 si Suga ng K-pop sensation na BTS matapos makabalik sa Seoul kasunod ng matagumpay na serye ng in-person concerts sa US.

Naka-self quarantine si Suga simula nang makabalik sila sa South Korea ayon sa pahayag ng Bit Hit Music.

Fully-vaccinated na si Suga at wala naman itong nararanasang sintomas.

Magugunitang naging matagumpay ang serye ng concert ng BTS sa Los Angeles.

Ito ang kanilang unang in-person concert simula nang magkaroon ng COVID-19 pandemic. (DDC)