Face-to-face classes nais mas palawigin pa ng DepEd
Umaasa si Education Secretary Leonor Magtolis Briones na patuloy na mapapalawig ang pagpapatupad ng limited face-to-face classes ngayong mas maraming mamamayan ang bakunado na kontra COVID-19.
Ayon kay DepEd Sec. Leonor Briones, protektado na ang nakararaming mga bata na edad 12 hanggang 17, kanilang mga magulang at mga guro.
Maliban sa mga liblib na paaralan, sinabi ni Briones na nais ng DepEd na makapagsagawa na rin ng face-to-face classes sa mga urban areas gaya ng NCR, Region IV-A, at sa malalaking lungsod.
Kasabay nito ay muling hinimok ni Briones ang mga magulang na pabakunahan ang kanilang mga anak. para maging handa sila sa face-to-face classes. (DDC)
