National disaster response team ng Red Cross dumating na sa Siargao
Dumating na sa isla ng Siargao ang national disaster response team ng Philippine Red Cross (PRC).
Dala nila ang mga gamit na makapagbibigay ng suporta at tulong sa mga komunidad na nasalanta ng Typhoon Odette.
Ayon sa PRC, ang unang gagawin ay i-restore ang lifeline ng komunikasyon sa Siargao.
Patuloy naman ang apela ng Red Cross sa publiko para magbigay ng donasyon sa mga naapektuhan ng bagyo.
Maaaring ipadala ang donasyon sa pamamagitan ng mga bank account ng Red Cross. (DDC)
