Humanitarian Caravan ng Philippine Red Cross nakaalis na patungong Bohol
Nakaalis na sa Batangas Port ang Humanitarian Caravan ng Philippine Red Cross (PRC) patungo ng Bohol.
Inaasahang darating sa Bogo Port, Cebu ang caravan Lunes (Dec. 20) ng tanghali.
Binubuo ang caravan ng water tanker, food truck, ambulansiya, at 6×6 truck.
Lulan nito ang mga gamit na kailangan ng mga nasalanta ng bagyo tulad ng generator set para sila’y magkaroon ng pansamantalang kuryente, face masks, gamot at iba pa. (DDC)
