Anim na Pangolins nakumpiska ng DENR sa Valenzuela City
Nailigtas ng Department of Environment and Natural Resources (DENR) ang anim na Pangolins na lulutuin na sana sa Brgy. ugong, Valenzuela City.
Ang operasyon ay isinagawa ng DENR sa Brgy. Ugong kung saan naaresto sina Rowena Pindot at Joel Quimado.
Ide-deliver sana ng dalawa ang mga Pangolin sa seaside restaurant sa Pasay City.
Mahaharap sina Pindot at Quimado sa kasong paglabag sa RA 9147 o Wildlife Resources Act.
Dinala naman ang mga Pangolin sa Wildlife Rescue Center para maisailalim sa health checkup at rehabilitasyon bago pakalawan sa kanilang habitat sa Palawan. (DDC)
