NDRRMC nakapagtala na ng isang nasawi sa pananalasa ng Typhoon Odette
Nakapagtala na ng isang nasawi sa pananalasa ng Typhoon Odette.
Sa inilabas na situational report ng National Disaster Risk Reduction and Management Council (NDRRMC), mayroon ding dalawang naitalang sugatan.
Umabot naman na sa 12,829 na pamilya o katumbas ng 44,264 na katao ang naapektuhan mula sa 262 na mga barangay sa mga lugar na tinamaan ng bagyo.
Nasa 18,010 na katao ang inilikas sa kanilang mga tahanan, kung saan 17,510 pa ang nananatili sa mga evacuation centers.
Ayon sa NDRRMC, umabot sa 63 lungsod at munisipalidad ang nakaranas ng power outage sa Region 7 at Region 8. (DDC)
