DOH nakapagtala lang ng 237 na bagong kaso ng COVID-19

Nakapagtala lamang ng 237 na bagong kaso ng COVID-19 sa bansa.

Ito na ang ikalawang sunod na araw na mas mababa sa 300 ang naitatalang bagong kaso ng COVID-19.

Ayon sa datos ng Department of Health (DOH) araw ng Miyerkules, Dec. 15 ay 2,836,915 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,776,273 ang gumaling o katumbas ng 97.9 percent makaraang makapagtala pa ng dagdag na 565 na gumaling.

10,193 naman ang active cases o katumbas ng 0.4 percent.

Nasa 50,449 ang kabuuang death toll sa bansa o 1.78 percent makaraang makapagtala ng 100 pang pumanaw. (DDC)