Mayor Andeng Ynares umatras sa pagtakbo bilang sa Antipolo City; asawa na si Jun Ynares hahalili sa kaniyang kandidatura

Umatras sa kaniyang kandidatura bilang reelectionist mayor ng Antipolo City si Mayor Andrea “Andeng” Ynares.

Sa kaniyang post sa Facebook sinabi ng alkalde na pumayag ang kaniyang asawa na si Jun Ynares sa kaniyang pakiusap na humalili para sa parating na May 2022 elections.

Ibinunyag din ni Mayor Andeng na inalok ni Pangulong Rodrigo Duterte na maging Presidente at CEO ng Philippine National Oil Corporation (PNOC) ang kaniyang mister.

Gayunman tinanggihan niya ito at mas pinili na makapaglingkod ulit sa lungsod ng Antipolo.

Sinabi ni Mayor Andeng na bagaman nais niya pang maglingkod ay mas kailangan niyang pagtuunan ng pansin ang kanilang mga anak.

Nagpasalamat naman si Mayor Andeng sa tiwalang ibinigay sa kaniya ng mga mamamayan ng Antipolo. (DDC)