Mga pulis papayagang makapagdiwang ng Pasko kasama ang kanilang pamilya

Papayagan ng Philippine National Police (PNP) ang mga tauhan nito na makapagdiwang ng Pasko kasama ang kanilang pamilya.

Ayon kay PNP Chief, Police General Dionardo Carlos, magpapatupad ng sistema kung saan ang mga pulis ay itatalaga sa lugar na malapit sa kanilang bahay.

Inatasan na ni Carlos ang Directorate for Personnel and Records Management ng PNP na alamin ang posibilidad na baguhin ang kasalukuyang assignments ng mga pulis at italaga sila malapit a kanilang tahanan sa Pakso.

Tuloy pa rin ayon kay Carlos ang kanselasyon ng holiday vacation para sa mga police personnel, pero ani Carlos bibigyan sila ng oportunidad na makasama kahit sandali ang knilang pamilya sa Pasko.

Batay sa plano itatalaga ang mga pulis sa police stations na pinakamalapit sa kanilang bahay. (DDC)