BREAKING: DOH nakapagtala lang ng 356 na bagong kaso ng COVID-19; pinakamababa sa nakalipas na 17 buwan

Nakapagtala lamang ng 356 na bagong kaso ng COVID-19 sa bansa.

Ito na ang pinakamababang bilang ng bagong kaso ng sakit na naitala sa bansa sa nakalipas na labingpitong buwan.

Ayon sa datos ng Department of Health (DOH) araw ng Martes, Dec. 7 ay 2,835,345 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,772,728 ang gumaling o katumbas ng 97.8 percent makaraang makapagtala pa ng dagdag na 871 na gumaling.

13,026 naman ang active cases o katumbas ng 0.5 percent.

Nasa 49,591 ang kabuuang death toll sa bansa o 1.75 percent makaraang makapagtala ng 92 pang pumanaw. (DDC)