BREAKING: DOH nakapagtala lang ng 603 na bagong kaso ng COVID-19

Nakapagtala lamang ng 603 na bagong kaso ng COVID-19 sa bansa.

Ito na ang ika-labingisang sunod na araw na mas mababa sa isanglibo ang naitatalang bagong kaso.

Ayon sa datos ng Department of Health (DOH) araw ng Linggo, Dec. 5 ay 2,834,775 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,771,536 ang gumaling o katumbas ng 97.8 percent makaraang makapagtala pa ng dagdag na 1,047 na gumaling.

13,853 naman ang active cases o katumbas ng 0.5 percent.

Nasa 49,386 ang kabuuang death toll sa bansa o 1.74 percent makaraang makapagtala ng 156 pang pumanaw. (DDC)