Temperatura sa Baguio City bumagsak sa 11.4 degrees Celsius

Bumagsak sa 11.4 degrees Celsius ang naitalang temperatura sa Baguio City, Linggo (Dec. 5) ng umaga.

Sa nakalipas na apat na araw ay patuloy ang paglamig ng temperatura sa lungsod.

Samantala ayon sa PAGASA, sa Science Garden sa Quezon City, naitala din ang malamig na 20.4 degrees celsius na temperatura.

Dahil sa paglakas ng Amihan, inaasahan ang mas malamig pang temperatura sa mga susunod na araw.

Sinabi ng PAGASA na maaring umiral ang Amihan hanggang sa Pebrero ng susunod na taon. (DDC)