6 sa 29 na na-stranded na Filipino seafarers sa China nakauwi na ng bansa
Nakauwi na sa bansa ang anim na Filipino seafarers na na-stranded ng ilang buwan sa karagatan.
Ayon sa Department of Foreign Affairs (DFA) dumating ang anim na seafarers who Ninoy Aquino International Airport galing Shanghai.
Kabilang sila sa 29 na Pinoy na na-stranded habang sakay ng Chinese-flagged vessels na Han Rong 362, 366, at 369 na nahinto ang operasyon noong May 2021 dahil sa pandemya.
Ayon kay Foreign Affairs Undersecretary for Migrant Workers Affairs Sarah Lou Y. Arriola, agad gumawa ng hakbang ang DFA nang malaman na mayroong mga stranded na Pinoy.
Tiniyak ni Arriola na makakauwi din sa lalong madaling panahon ang iba pang nasa China.
Nakikipag-ugnayan na si Foreign Affairs Assistant Secretary Paul Raymund P. Cortes kay Consul General Josel F. Ignacio para sa repatriation ng 23 pang seafarers. (DDC)
