Tatlong biyahero galing South Africa, Burkina Faso at Egypt nagpositibo sa COVID-19

Nagpositibo sa COVID-19 ang tatlong biyahero na umuwi sa Pilipinas kamakailan galing ng South Africa, Burkina Faso at Egypt.

Ayon kay Health Undersecretary Maria Rosario Vergeire, ang nasabing mga pasahero ay dumating sa bansa sa pagitan ng Nov. 15 at Nov. 19.

Sasailalim na sa genome sequencing ang samples mula sa nasabing pasahero.

Ang nasabing mga pasahero ay kasama sa mga dumating sa bansa na 253 travelers mula South Africa, 3 mula Burkina Faso at 541 galing Egypt.

Samantala, ang tatlong South African nationals na dumating sa Negros Occidental noong Nov. 25 at 26 ay pawang fully vaccinated at walang ipinakikitang sintomas sa ngayon.

Nakasailalim pa sila sa quarantine. (DDC)