Pagbibigay ng booster shots sa lahat ng fully vaccinated adults sisimulan na ng DOH bukas, Dec. 3

Uumpisahan na bukas, December 3 ang pagbibigay ng booster shots sa lahat ng fully vaccinated adults na eligible nang tumanggap nito.

Ayon sa DOH ang mga nakakumpleto na ng kanilang primary series ng COVID-19 vaccines ay pwede nang magpaturok ng booster shots kung eligible na sila base sa petsa kung kailan sila naging fully vaccinated.

Ang mga tumanggap ng Sinovac, AstraZeneca, Pfizer, Moderna, at Gamaleya Sputnik ay maari nang mabigyan ng booster shot anim na buwan matapos ang kanilang second dose.

Habang ang mga tumanggap ng bakuna ng Janssen ay maaring mabigyan ng booster at least 3 months matapos nilang matanggap ang bakuna. (DDC)