PNR Balagtas Station, 95 percent nang kumpleto

Nasa 95 percent nang kumpleto ang pagtatayo ng PNR Balagtas Station sa Bulacan.

Kamakailan nagsagawa ng inspeksyon si DOTr Sec. Arthur Tugade sa Balagtas station.

Ang nasabing istasyon ay bahagi ng PNR Clark 1, na parte ng massive North-South Commuter Railway System.

Sa sandaling maging operational ang PNR Clark 1, magiging 30 minuto na lang ang travel time mula Tutuban, Manila patungong Malolos, Bulacan mula sa kasalukuyang 1 hour at 30 mins.

Umabot sa 7,500 direct jobs ang nabuksan ng PNR Clark 1 habang isinasagawa ang konstruksyon nito. (DDC)