BREAKING: DOH nakapagtala lang ng 500 na bagong kaso ng COVID-19

Nakapagtala lamang ng 500 na bagong kaso ng COVID-19 sa bansa.

Ito na ang ikawalong sunod na araw na mas mababa sa isanglibo ang naitatalang bagong kaso.

Ayon sa datos ng Department of Health (DOH) araw ng Miyerkules, Dec. 1 ay 2,833,038 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,768,999 ang gumaling o katumbas ng 97.7 percent makaraang makapagtala pa ng dagdag na 951 na gumaling.

15,327 naman ang active cases o katumbas ng 0.5 percent.

Nasa 48,712 ang kabuuang death toll sa bansa o 1.72 percent makaraang makapagtala ng 167 pang pumanaw. (DDC)