“Pamaskong Handog” para sa mga residente sa Pasig City ipapamahagi na

Nakahanda nang ipamahagi ang “Pamaskong Handog” para sa mga residente sa Pasig City.

Bawat household sa lungsod ay makatatanggap ng gift pack na may lamang pandagdag sa kanilang Noche Buena.

Ayon kay Pasig City Mayor Vico Sotto, 375,000 bags ang kanilang inihanda para maipamahagi sa mga residente ng lungsod.

Bawat bag ay naglalaman ng grocery items na nagkakahalaga ng P625.67 .

Sa kabuuan gumastos ang pamahalaang lungsod ng P234.6 million para sa pamamahagi ng “Pamaskong Handog” sa kanilang mga residente ngayong taon.

Para sa transparency, ibinahagi din ni Sotto sa kaniyang Twitter at Facebook page ang purchase order para sa pinamiling groceries. (DDC)