Pagbabakuna sa mga batang edad 5 hanggang 11 target masimulan sa Enero 2022
Target ng pamahalaan na maumpisahan na sa Enero 2022 ang pagbabakuna sa mga batang edad 5 hanggang 11.
Ayon kay vaccine czar Carlito Galvez Jr., agad isasagawa ang pagbabakuna sa nasabing mga edad kapag nagpalabas na ng emergency use authorization ang Food and Drug Administration (FDA) para sa paggamit ng COVID-19 vaccine sa mga edad 5 – 11.
Sinabi ni Galvez na target ng pamahalaan na matapos ang pagbabakuna sa nasabing mga edad sa unang quarter ng taon.
Ito ay para eksakto aniya sa pagbubukas ng klase sa 2022. (DDC)
