Australia nakapagtala na ng unang kaso ng Omicron variant ng COVID-19
Nakapagtala na ng unang kaso ng Omicron variant ng COVID-19 sa bansang Australia.
Ito ay makaraang magpositibo sa nasabing variant ang dalawang pasahero na dumating sa Sydney galing sa southern Africa.
Ayon sa health authorities ng New South Wales agad silang nagsagawa ng genomic testing sa dalawang pasahero at nakumpirma na Omicron strain ang tumama sa kanila.
Kawa galing sa southern Africa ang dalawa at dumating sa Australia noong Sabado lulan ng Qatar Airways.
Kapwa asymptomatic ang dalawa at fully vaccinated.
Labingdalawang pasahero pa mula southern Africa na lulan ng parehong flight ang nag-negatibo naman sa COVID-19 subalit isinailalim pa rin sila sa quarantine. (DDC)
