Unang batch ng mga nagwagi sa Bakunado Panalo raffle ng DOH inanunsyo na

Limampu ang masweteng nagwagi para sa buwan ng Oktubre sa “Bakunado Panalo” raffle promo ng Department of Health (DOH).

Ayon sa DOH, ang 50 indibidwal ay nagwagi ng tig-P5,000 cash.

Kailangan lamang hintayin ang tawag ng DOH representative upang malaman kung paano makukuha ang premyo.

Para sa buwan ng Nobyembre, mayroon pang 50 pang mananalo ng tig-P5,000.

Sa Grand Draw sa Disyembre, mayroong isang mananalo ng P1,000,000.

Maaari pa ring sumali sa pamamagitan ng pagpaparehistro ng RESBAKUNAREG <SPACE> NAME/AGE/ADDRESS at i-send sa 8933.

Matapos magparehistro, i-text ang RESBAKUNA <SPACE> 2st letter ng vaccine brand/pang-ilang dose/LGU/petsa ng bakuna at i-send sa 8933.

Ang tumanggap ng first dose ay may 1 raffle entry at 2 raffle entries naman kapag naka-second dose na. (DDC)