Aktibong kaso ng COVID-19 sa Navotas City, 14 na lang

Napababa pa sa labingapat na lamang ang aktibong kaso ng COVID-19 sa lungsod ng Navotas.

Ayon kay Navotas City Mayor Toby Tiangco ito na ang pinakamababang bilang ng aktibong kaso ng sakit sa lungsod ngayong taon.

Mayroon na lamang sampung mga barangay sa lungsod ang may aktibong kaso ng sakit.

Habang zero COVID cases na sa walo pang barangay.

Nagpasalamat si Tiangco sa lahat ng frontliners sa kanilang paglilingkod at serbisyo.

Apela naman ng alkalde sa mga residente ng lungsod patuloy na sundin ang health and safety protocols para maiwasan ang muling pagtaas ng kaso ng COVID-19. (DDC)