Publiko pinag-iingat ng DTI sa SMS scam na nag-aalok ng part-time jobs

Pinag-iingat ng Department of Trade and Industry (DTI) ang publiko sa kumakalat na text na nag-aalok ng part-time jobs.

Ayon sa DTI, mayroong mga kumakalat na SMS scam kung saan nakasaad na nag-aalok ang kumpanyang Lazada ng part-time jobs kung saan maaring kumita ng P1,000 hanggang P6,000 kada araw.

Kung makatatanggap ng ganitong mensahe, payo ng DTI sa publiko na huwag i-click ang link na ibinigay.

Huwag ding ibigay ang bank o credit card details sa kahit na kanino at huwag ibibigay ang One-Time-Pin.

Kung makatatanggap ng ganitong SMS, maaaring ipagbigay-alam sa online platform na nabanggit o sa DTI Consumer Care. (DDC)