Dalawang pulis na nasawi sa engkwentro sa Northern Samar ginawaran ng Medalya ng Kadakilaan
Ginawaran ng parangal ni Philippine National Police (PNP) Chief, Police General Dionardo Carlos ang dalawang pulis na nasawi sa engkwentro sa mga terorista sa Northern Samar.
Personal na iginawad ni Carlos ang Medalya ng Kadakilaan kina Pat Franklin Marquez at Pat Jimmy Caraggayan
Ang mga labi ng dalawang nasawing tauhan ng Special Action Force (SAF) ay dumating sa Ninoy Aquino International Airport hapon ng Lunes, Nov. 22.
Una rito ay binigyang-parangal din ni Carlos ang apat na pulis na nasugatan sa nasabing engkwentro. (DDC)
