Cash gift para sa darating na Pasko, i-transfer na lang online ayon sa BSP
Hinikayat ng Bangko Sentral ng Pilipinas (BSP) ang publiko na gumamit na lamang ng digital wallets sa pagbibigay ng cash gifts ngayong holiday season.
Ayon kay BSP Governor Benjamin Diokno, ang digital wallets ay mas ligtas at convenient na pamamaraan ng pagbibigay ng “aguinaldo” na nakagawian na tuwing Pasko.
Sinabi ni Diokno na sa pamamagitan ng paggamit ng digital money mababawasan ang physical contact at virus transmission sa pagitan ng nagre-regalo at tumatanggap nito.
Mapapanatili din ang nakagawian nang Filipino tradition na pagbibigay ng aguinaldo sa mga kaanak, inaanak at iba pa, nang hindi na kailangang magkaroon ng face-to-face gatherings. (DDC)
