BTS humakot ng parangal sa American Music Awards; itinanghal na Artist of the Year
Nag-uwi ng parangal ang grupong BTS sa katatapos lamang na American Music Awards.
Itinanghal ang grupo bilang Artist of the Year na biggest award sa AMAs.
Kabilang sa tinalo ng BTS para sa nasabing kategorya ay ang rapper na si Drake, si Taylor Swift at si Ariana Grande.
Ang BTS din ang nag-uwi ng “Favorite Pop Song” award at “Favorite Pop Duo or Group” award.
Personal na tinanggap ng grupo ang kanilang parangal.
Nag-perform din sa nasabing seremonya ang BTS kasama ang bandang Coldplay kung saan inawit nila ang kanilang single na “My Universe”. (DDC)
