Mga empleyado ng Korte Suprema required nang magbalik-opisina simula Nov. 22

Inatasan ng Korte Supreme ang mga empleyado nito na pisikal nang mag-report sa trabaho simula sa Lunes. november 22 hanggang sa November 30, 2021.

Kasunod ito ng pag-iral na ng Alert Level 2 sa Metro Manila.

Para naman matiyak na masusunod ang physical distancing sa mga opisina, 50 percent ng workforce sa bawat tanggap ay papasok ng Lunes, Martes at Miyerkules habang 50 percent naman ang papasok ng Huwebes, Biyernes at Sabado.

Ang mga pinuno ng bawat opisina ang inatasan na ayusin ang shifting at magpatupad ng rotation basis kada linggo.

Kailangan ding matiyak na susuriin ang kalusugan ng bawat empleyado pagpasok sa kanilang tanggapan. (DDC)