DOH nakapagtala lamang ng 1,297 na bagong kaso ng COVID-19

Nakapagtala lamang ng 1,297 na bagong kaso ng COVID-19 sa bansa.

Ayon sa datos ng Department of Health (DOH) araw ng Huwebes, Nov. 18 ay 2,821,753 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,752,173 ang gumaling o katumbas ng 97.5 percent makaraang makapagtala pa ng dagdag na 1,956 na gumaling.

23,158 naman ang active cases o katumbas ng 0.8 percent.

Nasa 46,422 ang kabuuang death toll sa bansa o 1.65 percent makaraang makapagtala ng 305 pang pumanaw.

Ayon sa DOH, sa 305 na na nadagdag sa bilang ng mga pumanaw, 36 lamang ang para sa buwan ng Nobyembre.

Ang 44 percent ng reported deaths ngayong araw ay nangyari noong October 2021 at 35 percent naman noong Setyembre.

Ito ay bunsod ng late encoding ng ng death information sa COVIDKaya. (DDC)