Duterte, iba pang kandidato hinamong ilabas ang kanilang SALN
Hinamon ni Senate President Vicente Sotto III na ang lahat ng kandidato kabilang na si Pangulong Rodrigo Duterte na ilabas sa publiko ang kanilang statement of assets, liabilities and net worth o SALN.
Sinabi ni Sotto na bilang Pangulo ng bansa, inaaaahan ng publiko na magiging transparent si Pangulong Duterte gayundin ang iba pang lider ng bansa.
Kasabay nito, sinabi ni Sotto na nainiwala rin siyag dapat sumalang sa drug testing ang lahat ng kandidato para sa 2022 National and Local Elections.
Gayunman, aminado si Sotto na hindi kasama sa mga polisiya para sa eleksyon ang pagsalang sa drug testing ng mga kandidato at hindi sila maoobligahang gawin ito.
Ipinaalala pa ni Sotto na minsan na ring ibinasura ng Korte Suprema ang probisyon sa original Comprehensive Drugs Act of 2002 na kanyang iniakda na nagmamandato sa lahat ng kandidato na sumalang sa drug testing. (Dang Garcia)
