Davao Oriental at Surigao del Norte niyanig ng magnitude 4.0 na lindol

Magkasunod na tumama ang magnitude 4.0 na lindol sa lalawigan ng Davao Oriental at Surigao del Norte.

Naitala ng Phivolcs ang pagyanig sa 86 kilometers southeast ng bayan ng Tarragona sa Davao Oriental ala 1:53 ng madaling araw ng Miyerkules, Nov. 17.

May lalim na 78 kilometers ang lindol at tectonic ang origin nito.

Samantala 5:18 ng umaga naitala din ang magnitude 4.0 na lindol sa 16 kilometers southeast ng bayan ng General Luna sa Surigao del Norte.

23 kilometers naman ang lalim ng pagyanig at tectonic din ang origin nito.

Hindi naman nakapagtala ng intensities bunsod ng dalawang pagyanig. (DDC)