BREAKING: DOH nakapagtala lamang ng 849 na bagong kaso ng COVID-19; pinakamababa sa nakalipas na 11 buwan

Nakapagtala lamang ng 849 na bagong kaso ng COVID-19 sa bansa.

Ayon sa datos ng Department of Health (DOH) araw ng Martes, Nov. 16 ay 2,819,341 na ang kabuuang bilang ng kaso ng COVID-19 sa bansa.

Ayon sa DOH, ang mababang bilang ng mga bagong kaso ay dahil sa pagbaba ng testing output.

Sa kabuuang bilang ng COVID-19 cases, 2,748,069 ang gumaling o katumbas ng 97.5 percent makaraang makapagtala pa ng dagdag na 2,393 na gumaling.

25,464 naman ang active cases o katumbas ng 0.9 percent.

Nasa 45,808 ang kabuuang death toll sa bansa o 1.62 percent makaraang makapagtala ng 99 pang pumanaw. (DDC)