Tangkang pagtakas ng magkapatid na opisyal ng Pharmally “sign of guilt” ayon kay Sen. Gordon

Malinaw na nais makatakas sa pananagutan ng magkapatid na opisyal ng Pharmally na sina Mohit at Twinkle Dargani kaya nagtangka silang umalis ng bansa.

Ayon kay Senator Richard Gordon, chairman ng Senate Blue Ribbon Committee, ilang linggo din nilang hinanap ang magkapatid na Dargani sa kanilang mga posibleng tinutuluyan dahil sa kabiguang humarap sa pagdinig ng senado.

Sinabi ni Gordon na hindi na siya na sorpresa na ang dalawa ay piniling magtago sa home town ni Pangulong Rodrigo Duterte at doon din pinlano ang kanilang pagtakas.

Ang nasabing flight na napakamahal na international chartered jet ay malinaw na “sign of guilt” ng dalawang opisyal.

Ani Gordon manananatili sa senado ang dalawa hangga’t hindi sila nagsasabi ng totoo.

Umaasa si Gordon na idedetalye na ng magkapatid ang lahat sa susunod na pagdinig ng senado sa Nov. 26. (DDC)