Lakas, tikom pa ang bibig sa posisyong tatakbuhan ni Mayor Sara

Hindi pa masabi ni Lakas President at House Majority Leader Martin Romualdez kung sa pagka-presidente o bise presidente sasabak si Davao City Mayor Sara Duterte sa 2022 elections.

Sa isang Zoom Press Conference, sinabi ni Romualdez na nagpapatuloy pa ang discussion at consultation tungkol sa bagay na ito.

Ayon sa kongresista, maraming factors ang pinag-iisipan at patuloy na pinag-aaralan.

Pero sa huli anya, personal na desisyon pa rin ito ni Mayor Sara at kung anuman ang maging desisyo ng alkalde ay susuportahan ng partido.

Binanggit naman ni Romualez na ngayong weekend malalaman kung anong posisyon sa national arena ang tatakbuhan ng presidential daughter. (James Cruz)