Davao City Mayor Sara Duterte nagbitiw sa kaniyang regional party na Hugpong ng Pagbabago
Kumalas na sa kaniyang regional party na Hugpong ng Pagbabago si Davao City Mayor Sara Duterte-Carpio.
Ang kopya ng sulat-kamay na resignation ni Mayor Sara ay ibinahagi sa media ng HNP.
Ayon kay Mayor Sara mananatili ang kaniyang suporta sa partido.
Sa pahayag sinabi ni Hugpong ng Pagbabago Secretary General Anthony del Rosario na alas 9:30 ng umaga ng Huwebes (Nov. 11) nang matanggap nila ang resignation ng alkalde.
Sinabi ni Del Rosario na bagaman nalungkot sila sa pasya ni Mayor Sara ay hiling nila ang ikabubuti para sa mga plano nito. (DDC)
