Lt. Gen. Dionardo Carlos hinirang bilang bagong PNP chief
Hinirang ni Pangulong Rodrigo Duterte si Lt. Gen. Dionardo Bernardo Carlos bilang bagong hepe ng Philippine National Police (PNP).
Kinumpirma ito ni Presidential Spokesperson Harry Roque.
Ayon kay Roque, ang appointment ni Carlos ay nilagdaan ng pangulo araw ng Miyerkules, Nov. 10.
Kumpiyansa aniya ang Palasyo na maipagpapatuloy ni Carlos na gawing professional, capable at reform-oriented organization ang PNP.
Papalitan ni Carlos si PNP chief Gen. Guillermo Eleazar na sasapit sa kaniyang mandatory retirement age na 56 ngayong buwan.
Si Carlos ang 4th in command sa PNP at magiging ika-27 PNP chief.
Nanilbihan din siya bilang tagapagsalita sa ilalim ni dating PNP chief Ronald “Bato” Dela Rosa bago ma-assign sa PNP Aviation Security Group. (DDC)
