DOH nakapagtala lamang ng mahigit 1,400 na bagong kaso ng COVID-19; pinakamababa simula noong Peb. 17

Nakapagtala lamang ng mahigit 1,400 na bagong kaso ng COVID-19 sa bansa.

Ayon sa datos ng Department of Health (DOH) araw ng Martes, Nov. 9 ay 2,806,694 na ang kabuuang bilang ng kaso ng COVID-19 sa bansa.

Sa magdamag, umabot sa 1,409 ang dagdag na mga kaso.

Pinakamababa ito na bilang ng bagong kaso ng COVID-19 simula noong Feb. 17 kung kailan naitala ang 1,184 new cases.

Sa kabuuang bilang ng COVID-19 cases, 2,731,583 ang gumaling o katumbas ng 97.3 percent makaraang makapagtala pa ng dagdag na 2,941 na gumaling.

30,544 naman ang active cases o katumbas ng 1.1 percent.

Nasa 44,567 ang kabuuang death toll sa bansa o 1.59 percent makaraang makapagtala ng 46 pang pumanaw. (DDC)