Kalawaan Station ng Pasig River Ferry binuksan na

Binuksan na ng Metropolitan Manila Development Authority (MMDA) ang bagong Kalawaan Station sa Pasig River Ferry Service (PRFS).

Layunin nitong mas marami pang commuters ang mapanilbihan ng River Ferry lalo ngayong holiday season.

Ang bagong Kalawaan Station ay nasa N. Cuevas Street sa Pasig City.

Sa ngayon ay mayroon nang labingdalawang ferry stations ang River Ferry.

Ayon kay MMDA Chairman Benhur Abalos, naging malaking tulong ang ferry service ngayong hindi pa rin normal ang operasyon ng public transportation sa Metro Manila.

Inaasahan naman ang pagbubukas ng dalawa pang istasyon sa River Ferry ang Quinta at Marikina.

Sinabi ni Abalos na sa pagkakaroon ng Marikina Station ay maseserbisyuhan din maging ang mga residente sa lalawigan ng Rizal.

Nagpasalamat naman si Abalos kay Pasig City Mayor Vico Sotto na magpapahirap ng dalawang ferry boats na Mutya ng Pasig 1 at Mutya ng Pasig 2 para makadagdag sa mga bumibiyaheng Ferry boats.(DDC)