BREAKING: Presidential daughter Sara Duterte nag-withdraw ng kandidatura sa pagka-Mayor ng Davao City
Binawi ni Davao City Mayor Sara Duterte ang kaniyang kandidatura bilang mayor sa lungsod.
Personal na nagtungo si Mayor Sara sa local office ng Commission on Elections (Comelec) para ihain ang withdrawal ng kaniyang candidacy.
Kinumpirma ito ni Mayor Sara sa kaniyang Facebook page.
Ayon sa alkalde, si Vice Mayor Baste Duterte ang papalit sa kaniya at kakandidatong mayor.
Bagaman wala nang ibang inihayag ay muling lumakas ang spekulasyon na tatakbong presidente si Mayor Sara sa 2022 elections.
Ilang ulit na ring sinabi ni Mayor Sara na nais niya sana munang tapusin ang kaniyang ikatlong termino bilang mayor sa lungsod.
Kasunod ito ng mga panawagan na sumabak siya sa presidential elections. (DDC)
