43 pang Pinoy tinamaan ng COVID-19 sa ibang bansa; 1 pa ang nasawi
Nadagdagan ng 43 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw Martes, Nov. 9, sa kabuuan 23,860 na ang bilang ng mga Pinoy abroad na tinamaan ng COVID-19.
Sa kabuuan ng nasabing bilang, 14,138 na ang gumaling habang 8,297 pa ang sumasailalim sa gamutan.
Nasa 1,425 naman ang kabuuang bilang ng mga nasawing Pinoy sa ibang bansa dahil sa COVID-19 makaraang makapagtala ng 1 pang pumanaw.
Sa Middle East/South Africa mayroong naitalang pinakamaraming kaso na umabot na sa 13,129
Sa Asia Pacific Region naman ay nakapagtala ng 6,039 cases. (DDC)
