Heart Evangelista nag-alok ng P50K na reward para mahanap ang nawawalang aso
Humiling ng tulong sa publiko ang aktres na si Heart Evangelista upang mahanap ang nawawalang aso.
Unang nag-post si Heart sa kaniyang Twitter account ng larawan ng nawawalang aso na si ‘Luka’ kung saan nag-alok ito ng P10,000 na reward.
Pero dalawang araw ang nakalipas at wala pa ring balita kay ‘Luka’, itinaas ni Heart sa P50,000 ang reward sa sinumang makatutulong upang ito ay mahanap.
Ayon kay Heart si ‘Luka’ ay huling nakita malapit sa Alphaland sa Makati noong Nov. 2 ng gabi.
Sinumang may impormasyon sa kinaroronan ni ‘Luka’ maaring tumawag sa numero 09188882140. (DDC)
