Operasyon ng LRT-2 nahinto ng 40-minuto dahil sa isang indibidwal na naglakad sa riles
Naabala ang biyahe ng LRT-2 dahil sa isang indbidwal na nakitang naglalakad sa riles nito.
Ayon sa abiso ng LRT-2 alas 8:46 ng umaga ng Huwebes (Nov.4) sinuspinde ang biyahe sa buong linya ng tren.
Ito ay dahil sa isang hindi otorisadong indibidwal ang nakitang naglalakad sa riles sa bahagi ng Katipunan station.
Alas 9:26 ng umaga nang maibalik sa normal ang biyahe ng mga tren mula Antipolo to Recto at pabalik. (DDC)
