Coast Guard nakapagtala mahigit 27,000 mga pasahero na bumiyahe sa mga pantalan
Patuloy ang pagbabantay ng Philippine Coast Guard (PCG) sa mga pasaherong bumibiyahe sa mga pantalan ngayong panahon ng Undas.
Ayon sa Coast Guard, hanggang tanghali ng Miyerkules, November 3 ay umabot sa 14,239 outbound passengers at 13,274 inbound passengers ang naitala sa mga pantalan sa iba’t ibang panig ng bansa.
Mayroong 2,253 na PCG personnel na naka-deploy sa iba’t ibang mga pantalan sa bansa.
Umabot sa 344 na barko at 367 na motorbancas ang kanilang naisailalim sa inspeksyon. (DDC)
