Biyahe ng LRT2 nagka-aberya; Code Red ipinatupad

Nagpatupad ng Code Red sa biyahe ng LRT-2 at natigil ang biyahe nito Miyerkules (Nov. 3) ng umaga.

Sa pahayag ng Light Rail Transit Administration, inihinto ang operasyon sa buong linya ng LRT-2 simula alas 6:00 ng umaga.

Ito ay dahil sa problema sa signaling system ng tren.

Makalipas ang halos dalawang oras ay naisaayos ang problema at naibalik ang full operations ng tren alas 7:55 ng umaga. (DDC)