Lalaking naka-costume bilang “Joker” nanaksak sa loob ng tren sa Japan, 17 ang sugatan

Sugatan ang labingpitong katao makaraang isang lalaking naka-costume ng “Joker” ang maghasik ng karahasan sa loob ng tren.

Nangyari ang insidente Linggo (Oct. 31) ng gabi kung saan marami sa mga sakay ng tren ay patungo sa Halloweeen gatherings sa Tokyo.

Isang lalaki na nakasuot ng costume bilang “Joker” ang bigla na lamang nanaksak, nagtapon ng fluid sa tren at saka ito sinindihan.

Nagpatupad ng emergency stop sa tren at kani-kaniyang takas ang mga sakay nito.

Ang iba ay dumaan sa bintana ng tren para makalabas ng bagon.

Naaresto naman ng mga otoridad ang suspek.

Kabilang sa nasugatan ang isang 60 anyos na lalaki na nasaksak ng suspek. (DDC)