Manila Bay Dolomite Beach sarado muna sa publiko

Sarado simula ngayong araw, October 29 ang Manila Bay Dolomite Beach.

Sa inilabas na abiso ng Department of Environment and Natural Resources (DENR), hindi muna papayagan na mapasok ng publiko ang nasabing lugar hanggang sa November 3, 2021.

Ito ay bilang paggunita sa Undas at bilang pagsunod na din sa protocols na pinaiiral ng Inter Agency Task Force.

Magugunitang nitong mga nagdaang araw ay dumagsa ang mga tao sa nasabing lugar.

Dahil sa nasabing insidente ay mas hinigpitan ng DENR ang alituntunin sa pagbisita sa Dolomite Beach. (DDC)