Ground commander ng DENR sa Dolomite Beach sinibak sa pwesto

Sinibak sa pwesto ni Environment Sec. Roy Cimatu si Manila Bay Coordinating Office Deputy Executive Director Jacob Meimban bilang ground commander sa Manila Bay Dolomite Beach.

Kasunod ito ng kontrobersiyal na pagdagsa ng publiko sa Dolomite Beach kamakailan.

Ayon kay Cimatu, noong October 24 ay umabot sa mahigit 121,000 na katao ang naitalang nagtungo sa Dolomite Beach.

Ani Cimatu, magtatalaga siya ng isang retiradong heneral para pangasiwaan ang Manila Bay task force on the Dolomite Beach.

Sinabi ni Cimatu na nagsasagawa na ng imbestigasyon ang DENR sa nangyari.

Titiyakin din aniya ng ahensya na hindi na mauulit ang sobra sobrang pagdagsa ng mga tao sa Dolomite Beach ngayong panahon ng pandemya. (DDC)